ഒരു വിവാഹിതന്റെ ഡയറി കുറിപ്പ്

ഡയറി എഴുതുന്നത്‌ ഒരു നല്ല ശീലമല്ല എന്ന്

എനിക്ക് മനസിലായത് എഴുത്ത് നിര്‍ത്തി ഏഴ്

വര്‍ഷങ്ങള്‍ക്കു ശേഷം ആണ്.

ദാമ്പത്യത്തിന്റെ ആദ്യ വര്‍ഷങ്ങളുടെ

ഉന്മാദത്തിനു ശേഷം ഒരു അവധികാലത്ത്

പഴയ ഡയറി കുറിപ്പുകളുടെ ശേഖരം ഭാര്യ കാണാന്‍ ഇടയായത്.

ചെറിയ കുട്ടിയെ ഒക്കത്തിരുത്തി

കാമുകിയെകുറിച്ചു പുകഴ്ത്തി എഴുതിയത് വായിച്ചു

അല്പം ഉച്ചത്തില്‍ ഒരു ചോദ്യം

"കല്യാണം കഴിഞ്ഞു എത്രയും നാള്‍ ആയിട്ടും

എന്നെകുറിച്ച് എന്തേ ഒന്നും എഴുതിയില്ല?

ചോദ്യം ഡയറിയിലെ വരികള്‍ പോലെ

എന്നെ തുറിച്ചു നോക്കുന്നു..