കറങ്ങി നിന്നപ്പോള് ഒരാവര്ത്തികൂടി വായിച്ചു
ഗള്ഫില് നിന്നും അതിയാന് ഈ മാസവും ഡി ഡി അയക്കുന്നില്ല
ഉള്ളതുകൊണ്ടു കുറച്ചുകാലം കൂടി മുന്പോട്ടു പോവാന്
എക്സ്ചേഞ്ച് റേറ്റ് ഒന് ശരി ആകുന്നതുവരെ.
ബാധ്യതകള് ഒന്നൊന്നായി അന്നമ്മയുടെ ചെറിയ തലയില്
വലിയ രീതിയില് പ്രകമ്പനങ്ങള് നടത്തി
പള്ളിപെരുന്നളിനുകൊടുകാമെന്നു ഏറ്റിരുന്ന രൂപ
പോങ്ങച്ചതിനായി സി ബി എസ ഇ സ്കൂളില് ചേര്ത്ത
രണ്ടു പിള്ളേരുടെ ഫീസ്
വയസായ അപ്പാപ്പന്റെയും അമ്മച്ചിയുടെയും ആശുപത്രി ,കഷായം
തിരുമ്മു അങ്ങനെ
വാടക ,വെള്ളം ,കറന്റ് ഇടക്ക് ഷോക്കടിപ്പിക്കുന്ന സര് ചാര്ജ് പിന്വലിച്ചതും
പിന് വലിക്കാത്തതും
കുറച്ചുകാലം പോയിട്ട് ഒരാഴ്ചപോലും മുന്പോട്ടു പോകില്ല
ആഗോളതലത്തില് ഡോളറിനുണ്ടായ ഇടിവ്, യൂറോപന് മാര്ക്കറ്റ്ലെ
തൊഴിലില്ലായ്മ ,ചൈന യുവാനില് കയറി പിടിച്ചത് ഒക്കെ പൊതുവേ ഇടതു പക്ഷക്കാരനായ
അതിയാന് വലത്തോട്ട് ചരിച്ചു എഴുതിയത് അന്നമ്മ ക്ക് ഒന്നും തന്നെ മനസിലായില്ല
.പണ്ട് സ്ഥിരമായി കഴിച്ചുകൊണ്ടിരുന്ന ഖുബുസ് നു പോലും ഇപ്പോള് വില കൂടുതല്
ആണന്നു.
പൊതുവേ പണിയും കുറവ്
ദുബൈയില് നിന്നും ഖത്തറില് പോയ സുഹൃത്ത് പറഞ്ഞത്രേ അവിടെ
സര്ക്കാരിന്റെ ഔദാര്യത്തില് കുബൂസ്ന്റെ വില വളരെ കുറവാണു എന്ന്.
മന്ദമായി തുടരുന്ന മാന്ദ്യം തീരുന്നതുവരെ കുബൂസ് ഇറക്കുമതിയെ കുറിച്ച് പോലും, ആലോചിച്ചു എന്ന്
പലച്ചരക്കുകാരന് സാധനങ്ങള് ള് കൊണ്ടുവന്നു കൊടുത്തിട്ട് പൈസ വന്നോ ചേച്ചി എന്ന് ചോദിച്ചപ്പോള് അന്നമംക്ക്
കറക്കം പൂര്ത്തിയായി. പിള്ളേരുടെ പഠനംതീരുന്നതുവരെ ഇന്ത്യ സാമ്പത്തികവളര്ച്ച കൈവരിക്കല്ലേ മാതാവേ എന്ന്
അന്നമ്മ ഒരു മെഴുകുതിരി കാല് നേര്ന്നുകൊണ്ട് പ്രാര്ത്ഥിച്ചു...
ഒരു ദിര്ഹത്തിനു പന്ത്രണ്ടു രൂപ എങ്കിലും കിട്ടിയാല് ഒരു മെഴുകുതിരി കൂടി കത്തിക്കാമെന്ന് അന്നമ്മ ഏറ്റു .
